Apne Ehsaas Se Chhu Kar

Apne Ehsaas se Chhu kar Mujhe Sandall Kar Do
Kay Main Sadion se Adhura Hunn Mukammal Kar Do

Na Tumhain Hosh Rahe Na Mujhe Hosh Rahe
Iss Qadar Toot ke Chaho Mujhe Pagal Kardo

Tum Hatheli Ko Mere Pyar Ki Mehndi Se Rango
Apne Aankhon me Mere pyar ka Kajal Kardo

Dhoop Hee Dhoop hunn, toot ke barso mujh pe
Iss Qadar toot ke barso meri Rooh Main Jal Thal Kardo

Tum Chhupa lo mera dil O'ot me apne dil ki
Aor Mujhe Meri Nigaahon se bhi Ojhal Kardo

Masla Hunn to Nigahain na Churao Mujhse
Apni Chahat se, Tawajjo se, Mujhe Hal Kardo

Mujh pe Chha Jaao Kisi Aag Ki Surat Jaana
Aor Meri Zaat ko Sookha Hua Jungle Kardo

Poet: Wasi Shah
Read More!